COVID-19 मोबाईल फोनची स्वच्छता कोरोना व्हायरस पासून सुरक्षित राहण्यासाठी मोबाईल फोनची योग्य पद्धतीने स्वच्छता करणे खूप गरजेचे आहे. मोबाईल फोनची स्वछता पुढीलप्रमाणे करावी.
1. कोरोना पसरवण्यासाठी आपला मोबाईल कारणीभूत ठरू शकतो. 2. शक्यतो बाहेर जाताना मोबाईल सोबत घेऊन जाऊ नये. 3. शक्यतो आपला मोबाईल आपणच वापरावा. 4. घरी कोणी बाहेरून इतर व्यक्ती आली असल्यास त्यांना मोबाईल देऊ नये. 5. COVID-19 मोबाईल फोनची स्वच्छता करताना शक्यतो मोबाईल कव्हर किंवा केस सध्या वापरू नका कारण त्याने विषाणू जमा होण्यासाठी सरफेस वाढतो. 6. बाजारात मोबाईल अथवा इलेक्ट्रॉनिक गॅझेट स्वच्छ करण्यासाठी अनेक प्रकारचे अँटिबॅक्टेरिअल लिक्विड मिळतात पण या साठी साधा घरगुती हँड सॅनीटायझर किंवा सर्जिकल स्पिरीट वापरण्यास ही हरकत नाही.
7. अँटिबॅक्टेरिअल मायक्रो फायबर कापडावर हे हँड सॅनीटायझर / स्पिरीट घ्या. 8. मोबाईल स्वच्छ करण्यासाठी अँटिबॅक्टेरिअल लिक्विड वापरत असल्यास स्प्रे बॉटलमधूनदेखील या लिक्विडचा वापर तुम्ही करू शकता. मात्र ते थेट मोबाईलवर स्प्रे करण्याऐवजी कापडावर घ्या. 9. या कापडाने तुमचा मोबाईल फोन स्वच्छ पुसून घ्या. लिक्विडचे प्रमाण अधिक घेऊ नका ज्यामुळे तुमचा मोबाईल जास्त ओला होणार नाही. 10. फोन व्यवस्थित कोरडा होईपर्यंत तो पुसून घ्या. 11. दिवसातून दोनदा तुमचा फोन नीट स्वच्छ करून मगच त्याचा वापर करा. 12. मोबाईल स्वच्छ केल्यावर हात धुवायला विसरू नका. 13. या काळात शक्यतो मुलांना मोबाईल पासून लांब ठेवा.
सदरील माहिती आपण लोकमत मध्येही वाचू शकता
