कोरोना बाधित रुग्णाचे आहार कोरोना संसर्ग झाल्यावर प्रतिकारशक्ती चांगली राहण्यासाठी संसर्ग काळात ही आहार चांगला ठेवणे गरजेचे असते. या विषयी फिजिशियन व आहार तज्ञ डॉ. चंद्रकांत कणसे यांनी एक आहार तक्ता सुचवला आहे.
डॉ. अमोल अन्नदाते यांचे लेख वाचा
- या तक्त्यातील मुलभूत नियम – शरीराला रोज १ ग्राम प्रतिकिलो वजना प्रमाणे प्रथिने रोज आहारात असणे गरजेचे आहे. साधारण ६० किलो हे सरासरी आहार पकडून ६० ग्राम प्रतिन रोज मिळायला हवे. वजन जास्त असल्यास त्यापेक्षा जास्त. साधारण एका अंड्यात ६ ग्राम, १०० ग्राम पनीर / मांसाहारी अन्नात २२ ग्राम प्रोटीन मिळते. याप्रमाणे विविध अन्नाचे प्रथिनांचे प्रमाण तपासून दिवसात ६० ग्राम तरी प्रथिने शरीरात जातंय का हे तपासून पहावे.
- सर्व पालेभाज्या , फळभाज्या , धान्ये / कड धान्ये चालतील.
- सर्व प्रक्रिया केलेले अन्न पदार्थ , गोड , साखर, गुळ, मध, मैदा,तळलेले, साबुदाणा , भात , बिस्किटे , पोहे , बेकरीचे पदार्थ टाळावा.
- गव्हाची चपाती टाळावी व ज्वारी / मका / नाचणीची भाकरी खावी.
- दिवसभरचा आहार
- सकाळी बिना साखरेचा / कमी साखरेचा चहा / कॉफी
- नाष्ट्या साठी – आदल्या दिवशी रात्री पाण्यात भिजवलेले ४- ५ बदाम ( पचतील तसे ) / अक्रोड / शेंगदाणे / खोबरे + अंडा / पनीर भुर्जी
- दुपारी जेवण – भाकरी – ज्वारी / नाचणी / मका + भाजी + फळे + दही / पातळ ताक
- संध्याकाळी – चहा / कॉफी
- रात्री – उसळ + भाकरी / थालीपीठ / पनीर पराठा + भाजी ? मांसाहार + कोशिंबीर
- झोपताना भूक असल्यास – १ कप दुध
पाणी – कोरोना बाधित रुग्णाचे आहार तहान लागेल तसे पाणी प्यावे , पाणी खूप कमी किंवा खूप जास्त ही पिऊ नये आपल्याला दर दोन तासाने लघवी होईल व लघवीचा रंग पिवळा नसून पांढरा राहायला हवे या प्रमाणे पाणी पिणे स्वतःच कमी जास्त करावे. पिवळी लघवी होत असल्यास पाणी वाढवावे.
सदरील माहिती आपण लोकमत मध्येही वाचू शकता.