कोरोनामध्ये मुलांचे भावनिक व्यवस्थापन कोरोना संकट काळात लहान मुलांच्या मानसिकतेसंबंधी पुढील काळजी घ्यावी –
डॉ. अमोल अन्नदाते यांचे लेख वाचा
- कोरोनामध्ये मुलांचे भावनिक व्यवस्थापन या काळात आपली ही चिडचिड, मुलांना रागवणे स्वाभाविक आहे कारण मुले घरात फार काळ घरात राहिली कि बरेच उपदव्याप करतात . अशा वेळी त्यांना घरात बिनधास्त खेळू द्यावे. फक्त त्यांच्या सुरक्षिततेला धोका नसेल अशी काळजी घ्यावी व तेव्हाच रागवावे.
- चुकून. मुलांना जास्त रागवण्यात आल्यास त्यांना लगेच जवळ घ्यावे व त्यांना तुम्ही का रागावले हे सांगून तीच गोष्ट परत शांतेत समजून सांगावी.
- मुलांना सकारात्मक गोष्टी सांगाव्या व गोष्टींमध्ये कोरोनाचे संदर्भ टाळावे. रात्री झोपताना मुलांना झोप येत नसल्यास कोरोनाच्या नावाने घाबरवू नये.
- मुलांना गोष्टी सांगायला लावून, चित्र काढायला लावून त्यांच्या मनात लपून राहिलेल्या भावना बाहेर येऊ द्या .
- मुलांच्या सगळ्या जबाबदाऱ्या एकाच पालकावर टाकण्याऐवजी त्या दोघांमध्ये वाटून घ्या.
- मुलाला भीती वाटत असल्यास त्यांना जवळ घ्या व त्यांची भीती कमी करा.
- जर आपल्या सोसायटीत कोरोनाचा एक ही रुग्ण नसल्यास व कोणाच्या ही घरात सर्दी खोकल्याचा त्रास नसल्यास काही घरातील मुलांनी एकत्र येऊन खेळण्यास हरकत नाही.
- या काळात मुलांना घरातील कामे, भांडी घासणे, सामान आणून देणे यात सहभागी करून घ्याव.
कोरोनामध्ये मुलांचे भावनिक व्यवस्थापन या निमित्ताने आपण कुटुंब म्हणून जवळ आलो आहोत व मुलांच्या संपर्कात आलो आहोत तर विविध वयात मुलांच्या भावनिक गरजा काय असतात ते ही जाणून घेणे गरजेचे आहे
- 0 – ५ वर्ष
- मिठी मारणे व जवळ घेणे.
- हसणे व त्यांच्या सोबत खेळणे.
- प्रेम आणि काळजी
- डोळ्यात बघणे व त्यांच्या लक्ष देणे कडे
- ६ – ९ वर्ष
- त्यांच्याशी बोलणे व त्यांचे म्हणणे लक्ष देऊन ऐकणे
- त्यांच्या खेळत सहभागी होऊन आपण मजा घेतोय हे दाखवणे
- त्यांच्या प्रश्नांना उत्तरे
- त्यांच्या खेळत किंवा उपक्रमात सक्रीय सहभाग
- १० – १२ वर्ष
- आधार व मार्गदर्शन
- प्रेरणा व त्यांच्या मतांना होकार
- नियमांसाठी कारणे सांगावी लागतात
- जबाबदारी देणे आणी त्यांची मते न रागावता स्वीकारणे
- १३ – १८ वर्ष
- चर्चा व शांतेत वाद विवाद
- दिशा देणे व
- कडक नियम न सांगता सर्वमान्य मार्गदर्शक तत्व सांगणे
- मान देणे व मत मांडण्याचे स्वातंत्र्य देणे
सदरील माहिती आपण लोकमत मध्येही वाचू शकता