एन ९५, व्हॉल्वचा मास्कबाबत गोंधळ नको नुकतच केंद्रीय आरोग्य मंत्रालयाने व्हॉल्व असलेला एन ९५ मास्क व इतर व्हॉल्व असलेल्या मास्क वर बंदी घातली व वापरू नये असे निर्देश दिले आहेत. पण या बद्दल वार्तांकन करताना व याचा अर्थ लावताना अनेकांनी एन ९५ मास्क वर बंदी किंवा एन ९५ मास्क निरुपयोगी असा लावला. पण बंदी व वापर बंद करायला हवा तो व्हॉल्व असलेल्या कुठल्या ही मास्कचा एन ९५ मास्कचा नव्हे.
डॉ. अमोल अन्नदाते यांचे लेख वाचा
एन ९५ व मास्कचे प्रकार व कुठला योग्य –
- एन ९५, व्हॉल्वचा मास्कबाबत गोंधळ नको एन ९५ चा अर्थ आहे ९५ % श्वास कण फिल्टर करणारा मास्क. यात व्हॉल्व असलेला आणि नसलेला असे दोन मुख्य प्रकार असतात. पण व्हॉल्व असलेल्या मास्क मधून श्वास कण बाहेर पडू शकतात म्हणून व्हॉल्व नसलेला मास्क वापरायला हवा. या व्यक्तिरिक्त आकार आणि कुठल्या देशातील मास्क आहे यावरून ही एन ९५ मास्कचे काही प्रकार समजून घ्यायला हवे.
- भारतीय बनावटीचा – मास्क वर तुम्ही नीट निरीक्षण केल्यास त्यावर छोट्या अक्षरात NIOSH असे लिहिलेले असते. अर्थात हा नॅशनल इंन्स्टीट्युट ऑफ ऑक्यूपेशनल हेल्थ अँड सेफ्टी ने प्रमाणित केलाला भारतीय बनावतीचा मास्क. व्हॉल्व नसलेला व NIOSH N95 असा लिहिलेला मास्क वापरण्यास योग्य N95 मास्क समजावा.
- चीनी बनावटीचा – ज्या मास्क वर K N95 लिहिलेला आहे तो चीनी बनावतीचा आहे व तो चीनी व्यक्तींना समोर ठेवून बनवला गेला असल्याने भारतीयांनी वापरण्यास योग्य नाही. तसेच त्याचा दर्जा ही भारतीय मास्क एवढा चांगला नाही.
- कोरियन मास्क – कोरिया ने कॉपरचा मास्क बनवला आहे जो धुता येण्या सारखा व धुवून रोज वापरता येईल असा एकमेव N95 मास्क आहे. पण हा मास्क फार महाग आहे ( किंमत – ५०० रुपये प्रती मास्क ) . तसेच हा मास्क अजून मुबलक प्रमाणत उपलब्ध नाही. या मास्कचा एकच दोष आहे कि त्याला नाकावर फीट होतो तिथे क्लिप दिली नसल्याने तो नाकावरून खाली सटकतो. ही सुधारणा केल्यास व परवडत असल्यास क्लिप असलेला कोरियन मास्क बाजारात आल्यावर वापरण्यास हरकत नाही.
आकारावरून एन ९५ मास्कचे प्रकार –
- पहिल्या प्रकारात कानात अडकवण्याचा एन ९५ मास्क आहे पण हा सतत कानावर अडकवल्याने कानाच्या मागे अडकवण्याचे इलॅस्टिक काचते. दुसरा आकार आह ज्याला डक ( बदका सारखा ) मास्क असे नाव पडले आहे . हा मास्क लावताना काना मागे लावावा लागत नाही व इलॅस्टिक मागे डोक्याला अडकते म्हणून ते काचत नाही व जास्त वेळ ठेवण्यास त्रास होत नाही. म्हणून हा एन ९५ मास्क वापरण्यास जास्त योग्य आहे.
सदरील माहिती आपण लोकमत मध्येही वाचू शकता.