आरोग्य सेतू अॅप डेटाचोरीच्या भीतीशिवाय वापरा आरोग्य सेतू हे भारत सरकारने तयार केलेले मोबाईल अॅप हे केसेस च्या संपर्कात आलेल्या किंवा येणाऱ्यांना ओळखण्यासाठी चांगले साधन आहे. पण या अॅप मधून आपल्या बद्दलची माहिती चोरी होईल या भीती पोटी अनेकांना हे अॅप वापरणे बंद केले. अगदी खेड्या पाड्यातील वृद्ध लोक ही म्हणतात कि यातून माझी माहिती चोरी होईल. एक गोष्ट आपण लक्षात घ्यायला हवी कि या क्षणाला आपल्या सरकार समोर आणि देशा समोर सगळ्यात महत्वाचे आव्हान हे कॉन्टॅक्ट ट्रेसिंग हे असून यासाठी हे अॅप तांत्रिक साधन म्हणून काम करते आहे. सर्व सामान्य आपला डेटा चोरी होईल या भीती पेक्षा आपल्या फोन मध्ये हे अॅप असेल आणि ब्लूटूथ चालू असेल तर कोरोना बाधित रुग्णाशी आपला संपर्क येण्याच्या शक्यतेची माहिती हे अॅप आपल्याला देते.
डॉ. अमोल अन्नदाते यांचे लेख वाचा
तसेच डेटा चोरीची भीती मनात राहू नये म्हणून नुकतेच केंद्र सरकारने एक काही नियम व आदेश जारी केले आहेत.
- आरोग्य सेतू अॅप डेटाचोरीच्या भीतीशिवाय वापरा या अॅप मधील माहिती जास्तीत जास्त १८० दिवसांसाठीच संग्रहित राहणार आहे व त्यानंतर ती नंतर काढून टाकली जाणार आहे
- जर आपली माहिती काढून टाकावी असे आपल्याला वाट असेल तर आपण या अॅप वर तशी विनंती पाठवू शकता. यानंतर ३० दिवसात आपली सगळी माहिती काढून टाकली जाईल.
- या अॅप मधील माहिती काटेकोरपणे फक्त शासनाचे आरोग्य धोरण ठरवण्यासाठी व कोरोना संबंधित उपाय योजनेसाठीच वापरली जाणार आहे
- संशोधकांना हा डेटा हवा असल्यास तो नावा बद्दल पूर्ण गुप्तता पाळूनच देण्यात येईल.
सगळा देश कोरोनाशी लढत असताना अशा वेळी सरकार वर विश्वास ठेवून आपल्याला काही त्रास असल्यास ही माहिती या अॅप मध्ये आपण देण्याचे सहकार्य करणे आवश्यक आहे.
सदरील माहिती आपण लोकमत मध्येही वाचू शकता