कारमध्ये हँन्ड सॅनिटायझर वापरणे सुरक्षित मध्यंतरी कार मध्ये हँड सॅनिटायझर मुळे स्फोट झाल्याच्या बातम्या समाज माध्यमांवर प्रसारित झाल्या होत्या. यामुळे कार मध्ये हँड सॅनीटायजरच्या वापरा संबंधी भीती पसरली. पण यात काही तथ्य नसल्याचे निष्पन्न झाले आहे. हँड सॅनिटायझर मध्ये अल्कोहोलच्या रूपाने ज्वलनशील पदार्थ असला तरी त्यामुळे कार पेट घेईल असा स्फोट होऊ शकत नाही. सध्या बाजारत उपलब्ध असलेले प्रमाणित हँड सॅनिटायझर आपण वापरात असाल तर असा कुठला ही धोका नाही. हँड सॅनिटायझर अग्नी जवळ किचन जवळ नेऊ नये हे खरे आहे. जर अग्नीचा स्पार्क हँड सॅनीटायजरच्या उघड्या बाटलीच्या संपर्कात आली तर पेट घेऊ शकते व हे ज्वलनशील असते पण हातावर सॅनिटायझर घेऊन तुम्ही किचन मध्ये गेला तर तुमचे हात पेट घेतील हा ही गैर समज आहे. गाडीत हँड सॅनीटायजरने पेट घेण्यासाठी गाडीतील तापमान ६०० डिग्री फॅरनहाइट किंवा ३१५ डिग्री सेल्सियस इतके जास्त असायला हवे जे कधी ही शक्य नाही. गाडी मधील एअर फ्रेशनर, परफ्युम मध्ये ही अल्कोहोल असते . फक्त हँड सॅनिटायझर गाडीत वापरताना काही काळजी जरूर घ्यावी –
डॉ. अमोल अन्नदाते यांचे लेख वाचा
- हँड सॅनिटायझर आडवे ठेवू नये, उभे ठेवावे.
- हँड सॅनिटायझर चा वापर झाल्यावर ते नीट बंद करावे.
- हँड सॅनिटायझर समोर बोनेट जवळ किंवा मागे डिक्की मध्ये गरम जागी ठेवू नका. शक्यतो सीटच्या मागे किंवा मागच्या सीट जर जिथे गाडी जास्त गरम होत नाही अशा ठिकाणी ठेवा.
- शक्यतो गाडी मध्ये हँड सॅनीटायजरच्या १०० ते २०० एमएल च्या छोट्या बाटल्या ठेवा.
कारमध्ये हँन्ड सॅनिटायझर वापरणे सुरक्षित गाडी मध्ये हात धुणे शक्य नसल्याने व अवघड असल्याने गाडीत कामासाठी जाताना, उतरताना , काम झाल्यावर गाडीत बसताना हँड सॅनीटायजरचा वापर करावाच लागेल. म्हणून अशी गाडी पेट घेण्याची कुठलीही भीती न बाळगता गाडीत हँड सॅनीटायजरचा वापर करा.
सदरील माहिती आपण लोकमत मध्येही वाचू शकता