कोरोना नियमित आढळणाऱ्या लक्षणांपेक्षा वेगळी लक्षणे आपल्याला सर्दी , खोकला, ताप, श्वास घेण्यास त्रास , वास व चवीची क्षमता कमी होणे , जुलाब उलट्या व श्वास घेण्यास त्रास होणे ही लाख्ने माहित आहेतच पण अशी काही वेगळी लक्षणे आहेत जे कोरोना मध्ये दिसून येत आहेत .
यात सर्वात आश्चर्य आहे तापा शिवाय कोरोना. काही डॉक्टर ज्यांना कोरोना संसर्ग झाला त्यांना ताप आलाच नाही व इतर लक्षणे दिसून आली.
डॉ. अमोल अन्नदाते यांचे लेख वाचा
- फक्त तीव्र स्वरुपाची डोके दुखी.
- तीव्र पाठदुखी व शरीरातील स्नायू दुखणे, त्यातच पायाचे खालंच्या बाजूचे म्हणजे काफ मसल्स दुखणे.
- फक्त थकवा येणे.
- डोळे येणे.
- सर्दी खोकला असलेला माणूस दर वेळी सर्दी खोकला झाल्यावर असतो तसा न राहता खूप जास्त थकल्या सारखा वाटणे व सुस्त वाटणे.
- ज्येष्ठ व्यक्तीं मध्ये झोप जास्त येणे किंवा सकाळी लवकर झोपेतून न उठणे. दिवसा ही झोपल्यावर खूप वेळा उठवावे लागणे.
- सांधे दुखी.
- दोन दिवसात तब्येत झपाट्याने बिघडणे व लघवी कमी होणे.
- थकवा येऊन चेहरा निस्तेज वाटणे.
कोरोना नियमित आढळणाऱ्या लक्षणांपेक्षा वेगळी लक्षणे ही सर्व लक्षणे सुरुवात असून बऱ्याचदा ताप, खोकला, सर्दी ही या नंतर सुरु होते. म्हणून अशा कुठली ही वेगळी लक्षणे असल्यास लगेच घाबरून जाऊ नये पण स्वतःला इतरांना पासून वेगळे ठेवावे व आयसोलेशन करावे. तपासणी अहवाल कदाचित निगेटिव्ह येईल पण तो पर्यंत स्वतः वर लक्ष ठेवावे व विलगीकरणात राहावे.
सदरील माहिती आपण लोकमत मध्येही वाचू शकता.