Tag: सॅनिटायझर

कुठले हँड सॅनिटायझर सर्वोत्तम सध्या अनेक कंपन्यांचे हँड सॅनीटायझर उपलब्ध आहेत. तसेच जाहिरातीतून ९९.९ % हातावरील विषाणू व जीवाणू नष्ट करत असल्याचे दावे हे केले जात आहेत. पण इतक्या अचूकतेने असे दावे करणे चुकीचे आहे व कुठले ही सॅनिटायझर ९९ % विषाणू, जीवाणू नष्ट करेल हे खात्रीशीर रित्या सांगता येणार नाही. यासाठी साबणाने हात धुणे याला पर्याय नाही व हँड सॅनिटायझर ही केवळ एक लग्झरीआहे. सांगण्याचे तात्पर्य साबणाने हात धुण्याची जागा हँड सॅनिटायझर र घेऊ शकत नाही. पण पाण्याची उपलब्धता व बाहेर गेल्यावर हात धुण्याची सोय नसल्यास हँड सॅनिटायझर चांगला पर्याय ठरतो. बाजारात उपलब्ध असलेल्या पैकी चांगला हँड सॅनिटायझर कुठला हे आपल्याला ओळखता आले पाहिजे .

डॉ. अमोल अन्नदाते यांचे लेख वाचा

       कुठले हँड सॅनिटायझर सर्वोत्तम अल्कोहोल हा हँड सॅनिटायझरचा मुख्य घटक असतो. पण कुठले व किती टक्के अल्कोहोल वापरेल आहे त्यावरून हँड सॅनिटायझरची उपयुक्तता सिध्द होते. साधारण तीन ते चार प्रकारचे व टक्केवारी मध्ये अल्कोहोल वापरेल जाते. प्रोपेनेलॉल, डी नेचर्ड अल्कोहोल, इथिल अल्कोहोल, आयसो प्रोपील अल्कोहोल हे ते चार प्रकारचे अल्कोहोल असतात. त्यांची परीणामकारकता वरील नावे लिहिली आहेत  क्रमाने जास्त ते कमी अशी असते. यात ७५ % प्रोपेनेलॉल असलेले सर्वाधिक परिणामकारक असते. हे कोरोना साठीच नव्हे तर इतर सर्व विषाणू – जीवाणूला हा क्रम लागू पडतो. ज्या हँड सॅनिटायझर मध्ये प्रोपेनेलॉल सोबत मेसेट्रोनियम इथिल सल्फेट असते त्याची परिणाम कारकता सर्वाधिक वेळ म्हणजे ३ ते ५ तास टिकून राहते. सर्वात परिणामकारक हँड सॅनिटायझर वापरला तरी त्याचा परिणाम ४ ते ६ तासच राहतो. सध्या उपलब्ध असलेल्या जेल आणि पातळ हँड सॅनिटायझर पैकी पातळ हँड सॅनिटायझर जास्त परिणामकारक असतो कारण तो हातांच्या सूक्ष्म भेगां पर्यंत पोहोचू शकतो. जेलच्या स्वरूपातला मात्र त्वचेच्या खोलवर पोहोचू शकत नाही व वरच्या भागावरच थर बनून राहतो. अनेकांना जास्त हँड सॅनिटायझरच्या वापरामुळे जास्त झोप येणे / गुंगल्या सारखे वाटणे हा त्रास होतो आहे. त्यातच डॉक्टरांना सध्या हँड सॅनिटायझर जास्त प्रमाणात वापरावे लागते. त्यासाठी हातावर हँड सॅनिटायझरचा घेताना एका बाजूला म्हणजे सॅनिटायझर समोर चेहरा येणार नाही असे बघाव.

सदरील माहिती आपण लोकमत मध्येही वाचू शकता