बाधित तरीही चाचणी निगेटिव्ह दिल्लीत एका निवासी डॉक्टर चा मृत्यू झाला व त्याची सर्व लक्षणे कोरोना सारखी होती. दोन वेळा केलेली कोरोनाची टेस्ट निगेटिव्ह आली. त्यामुळे कोरोना असलेल्या रुग्णाची टेस्ट निगेटिव्ह येऊ शकते व टेस्ट सोबत लक्षणे व डॉक्टरांचा अनुभव निदान व उपचार करताना ग्राह्य धरणे महत्वाचे ठरते. यातून बोध घेण्या सारख्या व सावध होण्या सारख्या काही गोष्टी आहेत.
डॉ. अमोल अन्नदाते यांचे लेख वाचा
कोरोना असून ही टेस्ट निगेटिव्ह का येऊ शकते ?
आरटी पीसीआर टेस्ट ही निदाना साठी सर्वात चांगली असली तरी पुढील तीन करणाने कोरोना संसर्ग असून ही ती निगेटिव्ह येऊ शकते –
- फक्त नाकातून किंवा घशातून घेतली असेल तर. फक्त नाकातून स्वॅब घेतल्यास ३७ % आणि फक्त घशातून स्वॅब घेतल्यास ६८ % रुग्ण कोरोना संसर्गित असून हि निगेटिव्ह येऊ शकतात. घसा व नाक दोन्हीतून स्वॅब घेतला असेल तर पाँझीटीव्ह येण्याची शक्यता वाढते.
- स्वॅब घेताना डोळ्यातून पाणी येईल इतका तो घासून घ्यावा लागतो. वरवर स्वॅब घेतल्यास पुरेशा पेशी स्वॅबला लागत नाहीत.
- संसर्गाच्या पहिल्या तीन ते चार दिवसात टेस्ट निगेटिव्ह येऊ शकते.
- कोविड – 19 सोडून इतर फुफ्फुसावर परिणाम करणारे कोरोना किंवा इतर विषाणू संसर्ग असू शकतो.
वरील घटक नसले आदर्श पद्धतीने जरी तपासणी व लक्षणे सुरु होऊन ८ दिवस झाले असले तरी तपासणी कोरोना संसर्ग ओळखू न शकण्याच प्रमाण 20 % आहे
मग यावर उपाय काय –
बाधित तरीही चाचणी निगेटिव्ह जर लक्षणे कोरोनाची वाट असतील म्हणजे ताप, खोकला, श्वास घेण्यास त्रास व कोरोना संसर्गित व्यक्तीशी खात्रीशीर रित्या संपर्क आला असेल तर
- टेस्ट परत एकदा करावी.
- दुसऱ्या टेस्टचा अहवाल येई पर्यंत स्वतः आयसोलेशन मध्ये राहावे.
- दुसरी टेस्ट ही निगेटिव्ह असेल तर डॉक्टरांच्या सल्ल्या प्रमाणे वागावे व ते म्हणत असतील तर कोरोना चे उपचार करून पुढील १४ दिवस स्वतःच्या लक्षणांवर लक्ष ठेवावे व आयसोलेशन सुरु ठेवावे.
- लक्षणे सुरु होऊन सात दिवस झाले असतील तर रॅपीड अँटीबॉडी टेस्ट करावी.
सदरील माहिती आपण लोकमत मध्येही वाचू शकता.